D‘Luxair hëlt net un der Ausschreiwung fir de Cargozenter am Beräich Fracht-Handling Deel. 1.200 Luxair Mataarbechter ginn deemno an eng nei Handling-Firma transferéiert. D‘Gewerkschafte fuerdere Garantien iwwer d‘Aarbechtplazofsécherung, grad ewéi den Erhalt vum Kollektivvertrag vum Luxair Group. Dozou huet d’Direktioun keng weider Prezisioune ginn.
Dee Kollektivvertrag leeft Enn des Joers aus, an d‘Gewerkschaften hu vun der Luxair-Direktioun d‘lescht Woch an engem Bréif Neiverhandlunge gefuerdert.