Dee Satellit ass zanter November fäerdeg, an e kéint Enn des Joers dann iwwert Space-X an den Orbit geschoss ginn. Dee Wiessel kascht eppes, preziséiert d’Defenseministerin Yuriko Backes. Et wier der Verteidegungsministerin och wichteg gewiescht, fir d'Chamber sou séier wéi méiglech ze informéieren.
"Mir bleiwen an der Enveloppe budgetaire, déi d'Chamber gestëmmt huet.."
Déi Gesamt Enveloppe déi an der Chamber gestëmmt gouf, läit mat Indexéierung abegraff bei 382 Milliounen Euro. Déi geplangten Depensë leien eng 36 Milliounen drënner.
Dee Satellit ka 17 Mol den Dag ronderëm d’Welt fléien an op Demande 100 Fotoe mat enger extra héijer Resolutioun pro Dag realiséieren. Genotzt gëtt deen entweder fir militäresch oder fir zivil Zwecker.
