/ Koalitiounsverhandlungen: Staatsfinanzen haut am Mëttelpunkt
Bei de Koalitiounsverhandlungen am Schlass zu Senneng geet et haut ëm d’Staatsfinanzen. Nieft de Cheffe vun enger Rei staatleche Verwaltungen, wëllen de Formateur an d’Delegatioune vun CSV an DP an den nächsten Deeg och Vertrieder vu Caritas a Roudem Kräiz empfänken, vum Nohaltegkeetsrot a vum Mouvement Ecologique, grad wéi vum Patronat an de Gewerkschaften.
1 min
Dat gouf gëschter no der éischter Ronn vun de Verhandlungen ugekënnegt. Weider Sitzunge sinn muer an ee Méindeg.
D‘Verhandlunge gëschter wier ganz konstruktiv, seriö an zügeg gewiescht, sot de Formateur Luc Frieden. Een Datum, wéini se sollen ofgeschloss sinn, wollt hie net nennen. Virun der Allerhellegevakanz sollen zéng thematesch Aarbechtsgruppen hir Rapporten awer scho fäerdeg hunn.