Et wier kloer, datt d‘Regierung vum Donald Trump de Pëtrol an aner Buedemschätz vu Venezuela militäresch kontrolléiere wéilt. D‘KPL fuerdert d‘Lëtzebuerger Regierung op, sech net dem Diktat vun den USA ze ënnerwerfen, heescht et an hirem Schreiwes.
Och déi Lénk verurteelen den Ugrëff
Um Weekend haten déi Lénk sech och an engem Communiqué zum Ugrëff op Venezuela geäussert an déi Lëtzebuerger Regierung opgefuerdert, déi militäresch Interventioun vun den USA ze verurteelen.
Wat fir d'Ukrain géif gëllen, misst och fir Venezuela gëllen, esou d'Partei an hirem Schreiwes. Weider fuerderen déi Lénk, datt de venezuelanesche President direkt muss aus der US-Gefaangenschaft fräigelooss ginn.