Den eenzege relevanten Uspriechpartner souwuel fir Israel wéi och fir d‘Palestinenser wieren d‘USA. D‘EU wier irrelevant ginn, well Bréissel verpasst hätt, sech kloer ze positionéieren a konkret Léisungen ze proposéieren, zum Beispill fir en onofhängege Palestinenserstaat ze grënnen. „Mir waren an de leschte Joren net méi kapabel, dat op e Blat Pabeier ze schreiwen, mir hate keng Positioun méi an der EU dozou" seet de Jean Asselborn. An dofir wier d‘EU net Player, mee Payer.
Um Kierchbierg beroden d‘EU-Ausseministeren haut, fir eng gemeinsam Linn an der Noost-Politik ze fannen.