Israel wëllt d'Doudesstrof fir Terroristen nees aféieren - Just Palästinenser betraff
D'Parlament an Israel soll haut iwwer d‘Aféiere vun der Doudesstrof fir Terroristen ofstëmmen. De Gesetzesentworf gouf vun der Partei vum rietsextreeme Police-Minister Itamar Ben-Gvir initiéiert an ass ëmstridden. D‘Kritiker gesinn en als rassistesch un, well et nëmme Palästinenser betrëfft.
Wann d‘Gesetz gestëmmt gëtt, musse Palästinenser, déi wéinst Mord vun Israeelie verurteelt goufen, mat der Doudesstrof rechnen.
Israel hat d‘Doudesstrof 1954 ofgeschaaft, mee huet duerno a bestëmmte Fäll, zum Beispill bei Nazi-Verbriecher, nach Leit higeriicht. Déi lescht Hiriichtung, déi vun engem israeelesche Geriicht decidéiert gouf, war déi vum däitschen Nazi Verbriecher Adolf Eichmann am Joer 1962.
