D’Isabelle Medinger fuerdert dowéinst, datt d’Prozedure vereinfacht ginn, fir datt méi dacks Alkoholkontrolle kënne gemaach ginn. Déi Kontrolle wieren ee risegen Opwand a géifen dofir „net extra oft“ stattfannen.
D‘Direktesch vun der Sécurité Routière ass awer net der Meenung, datt een de maximal erlaabten Alkoholtaux vun 0,5 Promill nach weider misst erofsetzen.
“Et misst am Fong duergoen, wa mer elo net och nach dorunner schrauwe ginn. Well ech mengen d’Leit hunn och eng gewësse Saturatioun mat deenen Tauxen a Verbueter. An dofir mierke mer och, datt d’Akzeptanz vun de Leit vis-à-vis vu Verkéierssécherheetsmoosnahmen erof geet.”