De franséischen Europaminister Benjamin Haddad sot, dëst géif de Fridden tëscht der Ukrain a Russland elo nach méi wäit ewechréckelen.
Vu London heescht et, datt de brittesche Premier Keir Starmer, dee jo nach viru kuerzem beim Donald Trump am Wäissen Haus war, sech weider op de Fridde géif konzentréieren an sech net duerch sou Ukënnegungen oflenke géif loossen.
De Kreml begréisst d'Suspendéierung vun der Militärhëllef fir d'Ukrain. Vu Moskau heescht et, datt dat déi beschte Manéier wier, fir d'Ukrain zum Fridden ze beweegen.
Vun ukrainescher Säit gi sech Suerge gemaach, datt d'USA dem russesche President Putin säi Spill géife matspillen. Et géif ausgesinn, wéi wann den Donald Trump Moyene sicht, fir sech mam russesche President unzefrënnen.
