Kritiker reprochéieren dem israeelesche Premier Netanjahu d‘Negociatioune mat iwwerdriwwene Fuerderungen ze torpedéieren. De Chef vum amerikanesche Geheimdéngscht CIA huet fir déi nächst Deeg weider indirekt Verhandlungen ugekënnegt.
Iwwerdeems ginn déi militäresch Ausenanersetzungen tëscht der israeelescher Arméi an der proiranescher Hisbollah-Miliz am Libanon weider. An der Nuecht gouf am Norde vun Israel Loftalarm ausgeléist, op d‘mannst zwee Geschosser wieren ageschloen an hätte Schued verursaacht, heescht et an israeelesche Medien. Do virdrun ware bei enger israeelescher Attack am Südlibanon de lokalen Autoritéiten no am fréien Owend op d‘Mannst 3 Mënsche gestuerwen. D‘Hisbollah huet iwwert den Dag verdeelt eng Rei Ugrëffer op Israel fir sech revendiquéiert.