Beim Homejacking zu Leideleng war d’Botzfra vun zwee Täter mat enger Schosswaff a mat engem Messer bedreet ginn, schreift d’Police.
Eng bedeitend Quantitéit u Liederwueren a Bijouen am Wäert vun e puer Honnertdausend Euro goufe geklaut.
Véier presuméiert Täter an Untersuchungshaft
D’Täter konnte flüchten. Mee d’Ermëttlunge vun der Kriminalpolice hunn et erméiglecht fënnef presuméiert Täter ze identifizéieren. Véier vun hinne goufe vum Untersuchungsriichter an Untersuchungshaft gesat, mellt d’Police.
Am Kader vun enger Rei Perquisitioune konnt e groussen Deel vun de geklaute Saachen, mee och eng Waff an Droge séchergestallt ginn.