D‘Supreme Court hat deen Accord mam Ruanda als illegal verworf. An dësem neien Accord wiere verschidde Punkte geännert ginn, zum Beispill gëtt de Ruanda d‘Garantie, déi Flüchtlingen, déi aus Groussbritannie kommen, net an een Drëttstaat auszeweisen. An de Ruanda soll vun der Regierung zu London als sécheren Drëttstaat agestuuft ginn.
Déi konservativ Regierung wëllt Asyldemandeuren, déi irregulär a Groussbritannien areesen, direkt an de Ruanda ausweisen, wou se dann eng Asyldemande kënne maachen. E Retour a Groussbritannien ass ausgeschloss.