Déi iwwer 20 Leit aus dem Equipage vum Tanker wieren onblesséiert an a Sécherheet, mellt d‘BBC mat Verweis op de CEO vu Stena Bulk. Dat ass déi Firma, der den Tanker gehéiert.
Um Tanker wier ee gréissert Feier ausgebrach, esou Medien. Op Videoe wier schwaarzen Damp ze gesinn. Ee Rettungshelikopter, Rettungsbooter, ee Fliger a Schëffer an der Ëmgéigend goufe mobiliséiert fir d‘Feier ze läschen, esou d‘Autoritéiten.
Eng méiglech Verknaschtung géif analyséiert ginn, heescht et weider. D'Cargoschëff soll der däitscher Reederei Köpping gehéieren. D'Ursaach vum Virfall ass nach onkloer.