Nieft dem fréieren Arméi-Chef wieren zwee Membere vum Sedal, dem Deminage Service vun der Arméi, beschëllegt ginn. De Parquet hätt dat confirméiert, ouni awer Nimm ze nennen, esou d‘Wort.
Eng Granat aus dem Zweete Weltkrich war deemools am Arméilager um Waldhaff explodéiert. Zwee Membere vun der Arméi hirem Deminage-Service Sedal koumen ëm d‘Liewen, an zwee weider Zaldote gouf blesséiert. Een dovu liewensgeféierlech.
D‘Enquête, wéi et zu där Explosioun konnt kommen, wier fënnef Joer drop scho wäit fortgeschratt, mee nach net fäerdeg, sou d‘Wort.
