D'Elisabeth Margue huet de Selektiounsprozess e Mëttwoch virun den Deputéiert verdeedegt. Et wier richteg, datt de Ministère e Selektiounscomité agesat hätt, an datt den ALIA-Verwaltungsrot deen/déi Kandidat:in fir den Direktiounsposten net selwer erausgesicht hätt.
Dat géif awer net dozou féieren, datt déi Persoun manner onofhängeg par Rapport zum Ministère wier, huet d'CSV-Politikerin argumentéiert. Si wëllt an enger Chamberkommissioun méi am Detail op de Fall agoen.