Déi Doudeg goufen am Norde vun der Gazasträif fonnt a konnte mat der hëllef vun der Police an engem Fuerschungsinstitut identifizéiert ginn. D’Famille vun de verstuerwene Geisele solle scho benoriichtegt gi sinn.
Iwwerdeems riskéiert déi gréisste Klinik am Zentrum vun der Gazasträif zoumaachen ze mussen. Dat well et der Infrastruktur u Stroum feelt, nodeems israeelesch Truppen ugangs Mee de Grenziwwergank Rafah tëschent der Gazasträif an Ägypte besat hunn, heescht et vun dem Gesondheetsministère, der vun der Hamas kontrolléiert gëtt. Dëse Grenziwwergank fungéiert als Haapt-Transportwee fir d’Liwwere vu Ressourcë fir déi palästinensesch Gebidder.