De Justizministère soll bis op Weideres vum Vize-Justizminister Todd Blanche geleet ginn. D‘Pam Bondi ass déi zweet Ministesch, déi den Trump bannent kuerzer Zäit entlooss huet. Am Mäerz war d‘Ministesch fir de Schutz vun der Heemecht, d'Kirsti Noem, entlooss ginn.
Chef vun der amerikanescher Buedemarméi och net méi am Amt
Nieft der Justizministesch Pam Bondi ass och de Generol Randy George net méi am Amt. Hien ass fréizäiteg an d‘Pensioun geschéckt ginn. De Verteidegungsminister Pete Hegseth hätt dës Decisioun geholl, fir de Poste mat enger Persoun ze besetzen, déi seng eege Visioun an déi vum President Donald Trump besser kéint ëmsetzen. Dës Decisioun kënnt wärend d'USA am Krich mam Iran sinn.
