De Freideg hat d‘EU-Kommissiounspresidentin Ursula vun der Leyen jo och schonn annoncéiert, d‘Länner doran ënnerstëtzen ze wëllen, d‘Verdeedegungsausgaben eropzesetzen.
Ee méi groussen Investissement an d‘Defense eleng géif awer net duergoen, sou den ukrainesche President direkt nom Olaf Scholz senger Ried. De Wolodymyr Selenskyj huet an deem Kontext fir eng gemeinsam europäesch Arméi plädéiert. Europa misst "fir dat eegent Wuel handelen". Europa misst sech drun upassen, datt d‘Relatioune mat den USA elo anescht wieren, esou nach d‘Warnung vum ukrainesche President.
Den Olaf Scholz huet weider een Amësche vu Washington an den däitsche Walkampf zugonschte vun der AfD schaarf verurteelt. De Freideg huet den US-Vizepresident JD Vance op der Sécherheetskonferenz behaapt, datt fir "Brandmaueren" keng Platz wier, an hien huet kritiséiert, datt keng populistesch Parteien op der Sécherheetskonferenz zougelooss gi wieren.