Bei den dräi anere grousse Parteien (CSV, LSAP an DP) gëtt et bis elo e positiven Trend. D'CSV als gréisst Partei confirméiert bis elo hiert Resultat vun 2018. Anescht wéi wärend de leschte fënnef Joer virausgesot, géifen déi Chrëschtlech-Sozial den Ament keng Sëtz an der Chamber verléieren, mee souguer vläicht nees dobäi gewannen. D'DP als zweetgréisst Partei ka bis elo zouleeën. D'selwecht wéi d'LSAP.
Och Stëmmen dobäi gewonnen huet bis elo d'ADR. D'Oppositiounspartei hat 2018 9,73 Prozent vun de Lëschtestëmme kritt. Am Moment läit se bei 11,3 Prozent.
Déi zwou aner parlamentaresch Oppositiounsparteien (déi Lénk an d'Piraten) leie bei de Lëschtestëmmen am Moment ënner hirem Score vun 2018.
Déi aner kleng Formatiounen (Fokus, Volt, Liberté, KPL, Konservativ) leie bei manner wéi 2,5 Prozent vun de Stëmmen.