/ D'Grippefäll sinn d'lescht Woch staark an d'Luucht gaangen
De Santésministère deelt mat, datt d‘lescht Woch 988 Fäll deklaréiert goufen. Dat ass eng Hausse vun iwwer 40 Prozent an enger Woch. Och den nationale Labo mellt, datt am Moment de Grippevirus staark hei am Land zirkuléiert.
1 min
Och d‘Fäll vum RS-Virus, deen d‘Otemweeër befällt, si geklomm, vu 15 op 26 Fäll. Mee de Pic vun den RSV-Fäll war am Dezember, sou d‘Santé.
Par conter hunn d‘Covid19-Fäll sech stabiliséiert. Och de Positivitéitstaux ass zeréckgaangen, grad wéi d‘Konzentratioun vum Virus an den Afwässer.