De Mount November war dee sechsten hannerenee mat enger globaler Rekord-Duerchschnëttstemperatur. Domat wäert och dat ganzt Joer 2023 de globalen Temperatur-Rekord vu bis elo vum Joer 2016 briechen, esou Copernicus.
Bis November mat abegraff louch déi global Duerchschnëttstemperatur 1,46 Grad iwwer der pre-industrieller Referenzperiod.
D‘Haaptgrënn fir dës Klimaerwiermung sinn der UNO no mënschlech Aktivitéite mat héijen CO2-Emissiounen duerch Pëtrol, Kuel a Gas.
Op der Weltklimakonferenz zu Dubai gëtt den Ament och iwwer een Ausstig aus de fossillen Energie verhandelt. Déi emiratesch Presidence an dee gréisste Pëtrols-Exportateur Saudi-Arabien wiere sech awer oppe géint d‘Fuerderung vun iwwer 1.000 Länner, een Enn vun de fossillen Energien an der Schlussdeklaratioun festzehalen.