Keng Prezisiounen zu eventueller Cyberattack
Als Erklärung huet d‘Chamber an engem Communiqué matgedeelt, et géif sech ëm eng Virsiichtsmoossnam handelen. De Schrëtt wier néideg gewiescht wéinst engem confirméierte Sécherheetsrisiko, deen d‘Ekipp vun der Chamber ënnersiche géifen. Weider Detailer, ëm wéi e Risiko et sech handelt, ginn net matgedeelt.
De Generalsekretär vun der Chamber, Laurent Scheeck, sot op eis Nofro hin, dës reng preventiv Mesure wier geholl ginn, fir datt kee Schued kann entstoen. Op et sech ëm eng eventuell Cyberattack handelt gëtt net preziséiert.
Januar: Staatlech Sitte vun DDOS-Attack viséiert
Am Januar ware staatlech Internetsäite vun enger sougenannter DDOS-Attack viséiert, déi d‘Serveren iwwerlaascht hat a verschidde Sitten, dorënner guichet.lu, waren dowéinst eng Zäit laang net disponibel.