Et géif wäertvoll Zäit verluer goen, fënnt den Ierpeldenger Buergermeeschter Claude Gleis. Obwuel d‘Awunner:innen dofir sinn, datt Bettenduerf weider bei de Gespréicher matmécht, huet de Gemengerot sech nach net kloer bekannt. Ob dat elo heescht, datt de Gemengerot de Wonsch vun de Wieler:innen guer net respektéiert, kann de Claude Gleis, Ierpeldenger Buergermeeschter, net soen.
Hie vertrëtt déi aner véier Gemengen Dikrech, Ettelbréck Schieren an Ierpeldeng. Et wier een net genervt vu Bettenduerf, mee et misst ee sech un eng Timeline halen an den Ament géif een net virukommen. Et hätt ee gären een offizielle Vott am Bettenduerfer Gemengerot, fuerdert de Claude Gleis. Hien hofft, datt et am nächste Gemengerot zu Bettenduerf dozou kënnt.
