Wien an deem Comité de Suivi ass, gëtt net preziséiert.
De Premier Luc Frieden hat déi fënnef Ministeren Xavier Bettel, Claude Meisch, Max Hahn, Gilles Roth, an d'Ministerin Martine Deprez gëschter op eng Reunioun zesummegeruff, fir de Point am Dossier Caritas ze maachen. Bei der Reunioun wier iwwer verschidde Froen an Optiounen diskutéiert ginn, fir d'Aktivitéiten, déi d'Caritas fir de Staat mécht, weiderzeféieren, esou de Staatsministère.
D'nächst Woch wier eng weider Reunioun op ministeriellen Niveau iwwer d'Caritas geplangt.