Gëscht um Sonndeg ware bei israeelesche Bombardementer och zwee Dierfer an de Bierger ronderëm Beirut getraff ginn. Vill Leit aus der Haaptstad wieren dohi geflücht, an 12 Mënsche wiere bei den israeelesche Bombardementer ëm d‘Liewe komm, esou déi libanesesch Autoritéiten.
D‘Hisbollah huet hirersäits ballistesch Rakéiten op déi israeelesch Hafestad Haifa geschoss. Zwou Rakéite wieren do ageschloen an 10 Leit blesséiert ginn, esou déi israeelesch Autoritéiten.
Den arméierten Aarm vun der Hamas huet de Moien elo gemellt, datt si Rakéiten op Tel Aviv geschoss hätt. Zu Tel Aviv an am Zentrum vun Israel war de Moie rëm Bommenalarm. D‘Rakéite wiere vun Israel interceptéiert ginn.
Och d‘Hisbollah wier de Moie mat hiren Attacken un der libaneesescher Grenz mat Israel weidergefuer. Zil wieren israeelesch Zaldoten, déi am Kader vun der israeelescher Buedemoffensiv an Dierfer am Süde vum Libanon agedronge sinn.