Mat der Shortlëscht wëllt d'Jury op d’Diversitéit an d’Qualitéit vun der Literaturproduktioun zu Lëtzebuerg hiweisen an esou zu der Promotioun vun de Schrëftsteller:innen an hire Wierker bei der Lieserschaft esou wéi an der medialer Ëffentlechkeet bäidroen, heescht et.
Op der Shortlëscht stinn:
- Samuel Hamen mat sengem Roman "Wie die Fliegen“,
- Chris Lauer mat senge Gedichter "Gut verräumte Sternschnuppen“
- Isabelle Marinov mat hirem Roman "Boy Underground“
- Jemp Schuster mat sengem Roman "Béischten“
- Margret Steckel mat hirer Novell "Mutterrache“
Déi fënnef nominéiert Bicher ginn den 23. Abrëll am CNL virgestallt. D’Laureatin oder de Laureat vum Prix Servais 2024 gëtt Enn Abrëll annoncéiert.