11.6. Generatiounen

11.6. Generatiounen

Musek fir ze berouegen an Erënnerungen ze erwächen

Concerten, gespillt vu professionelle Museker kënnen hëllefen, déi ënnerlech Onrou vun eelere Mënschen e bëssen ze berouegen, mee och Erënnerungen, déi vläicht scho vergiess waren erëm opzeruffen. Haut ginn et zwou Concerts-Proposen vun der Fondatioun EME.

Lauschtert hei

Déi natierlech Séissstoffer

Op der Sich no Alternativen zum normalen Zocker ginn et nieft deene kënschtleche Séissstoffer och eng Rei natierlech Produkter, déi fir d'Séisse vun de Liewensmëttel kënne gebraucht ginn.

Ee vun deenen ass de Fruuchtzocker oder Fructose. Wéi d'Wuert et seet, fënnt een dësen einfachen Zocker a ville Friichten. Et kritt een en och als Pudder, fir en als Zockerzousaz an der Kiche kënnen ze gebrauchen.

Lauschtert hei

De Spéngelskrich

An de Méint Juli an August 1940 sinn déi éischt Spéngelen "Heim ins Reich" vun de Kollaborateure gedroe ginn. Als Reaktioun hate Lëtzebuerger Patrioten hir Ofzeeche vun der Onofhängegkeetsfeier vun 1939 ugespéngelt. De "Spéngelskrich" ass den 13. August 1940 richteg lassgaangen, wéi de Gauleiter Simon proklaméiert hat, d'Verfassung wier ausser Kraaft gesat a Lëtzebuerg hätt opgehalen als Land ze bestoen. Wéinst dem Droe vun dëse Spéngelen, meeschtens op de Reversen, goufen d'Patriote geschloen, gefoltert an esouguer deportéiert. An der Emissioun Erlieft a Verzeilt war de Léon Devaquet (1950-2009), ee geschichtlech Interesséierten a verwennte Sammler, dee sech zanter de 70er Jore mam Theema beschäftegt huet, Invité beim Carlo Link .

Lauschtert hei

D'Hechtercher aus der Stad

Dacks fléissen iwwer Jore bekannte Melodien an e Land eran an entwéckelen sech zu deene sougenannte Volleksmelodien. D'Hechtercher aus der Stad ass en typescht Beispill dofir, wéi sech eng franséisch Melodie zu engem Lëtzebuerger Lidd verwandelt huet.

 

Net verpassen

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen