D‘Marie Schockmel begréisst Iech vu méindes bis freides allkéiers um zwou Auer a Resonanzen. Energie, Freed un der Musek an eng ganz Rei Interviewen, Reportagen an Entdeckunge stinn am Mëttelpunkt. Doriwwer eraus presentéiert sech de Klassik-Album vun der Woch all Méindeg an engem neien dynamesche Format. Freides gëtt de Remy Franck en Abléck a seng perséinlech Highlighten an deelweis och Enttäuschungen aus der breeder Palett vun den neie Releasen um Klassik-Maart.
Dënschdes hëlt eis de Joachim Fontaine a senger neier Serie "Die musikalische Hintertreppe“ mat an de Backstage a kuckt op déi méi ongewéinlech Episoden aus dem Liewe vu Komponistinnen a Komponisten. Donneschdes geet et an der Serie Sequenza mam Maria Gutierrez ëm d‘Black Classical Music an déi beweegten an dacks och inspiréierend Geschichte vun hire Protagonisten.
Déi ganz Klassik-Ekipp freet sech drop Iech iwwer déi nächst Saison ze begleeden an zesumme vill Neies ze entdecken.