Sample vun der Woch
Luther Vandross - Never Too Much
8 min
De Luther Vandross ass gebuer den 20. Abrëll 1951 zu New York a schonn den 1. Juli 2005 gestuerwen. Hie war en amerikanesche Sänger, Songwriter a Museksproduzent a gouf bekannt fir seng soulvoll Vocals, seng Technik a seng romantesch Liddertexter.
De Luther Vandross huet scho jonk seng Leidenschaft fir d'Musek entdeckt a krut mat senger musikalescher Kreativitéit an der Musekszeen Unerkennung. De Vandross huet mat Hitsingles wéi "Never Too Much", "Dance with My Father" an ”Here and Now" internationalen Erfolleg gefeiert. Hien huet eng grouss Fanbasis opgebaut an hat en immense kommerziellen Erfolleg.
De Luther Vandross huet och als Songwriter a Produzent geschafft, fir aner Kënschtler geschriwwen an zu hirem Erfolleg bäigedroen. Hien huet mat Stars wéi Beyoncé, Whitney Houston an Aretha Franklin zesummegeschafft. Seng Musek war eng Mëschung aus romantesche Balladen, funky Uptempo-Lidder a smooven R&B-Sound. Dem Vandross seng Vocals ware mat Emotiounen a Stëmmung gefëllt, déi de Publikum beréiert hunn.
De Luther Vandross huet sech duerch seng aussergewéinlech technesch Fäegkeeten auszeechent. Hien hat déi komplett Kontroll iwwer seng kräfteg Stëmm a gëtt dacks als ee vun de bedeitendste Soul-Sänger vu senger Generatioun ugesinn.
Duerch seng musikalesch Brillanz hat hien net nëmme kommerziellen Erfolleg, mee huet och bei de Kritiker Unerkennung fonnt, hat awer leider mat Gesondheetsproblemer ze kämpfen an ass fréi un Diabetes an enger Häerzkrankheet gestuerwen. Hie bleift awer bei de Fans als eng Ausnameperséinlechkeet an Erënnerung, dee mat sengem Talent, senger Leidenschaft a senger Emotioun eng Generatioun beweegt huet.
Hie war ganz beléift an der Hip-Hop-Zeen a gouf dacks gesampelt. Dat bekanntste Beispill ass vläicht de Sample vun Never too much, deen hei vun der Queen Pen an hirem Hit “All My Love” vun 1997 benotzt gouf.
De Smoke DZA sampelt hei och de Luther Vandross a mécht witzeger Weis säi “My Mother's Favorite Luther Song” doraus.
Mee den DJ Jazzy Jeff & the Fresh Prince haten de Sample scho laang virdru benotzt. Hei si si mam Lidd “Can't Wait To Be With You”.
Episoden
Camille Yarbrough - Take Yo' Praise
D‘Camille Yarbrough ass eng amerikanesch Sängerin, Schrëftstellerin, Schauspillerin a Biergerrechtsaktivistin. Hiren Afloss ass duerch de Sampling nach hautdesdaags ze spieren.
Brian Bennett - Solstice
De Brian Bennett ass en englesche Batteur, Pianist, Komponist a Produzent. Nieft senger Roll an de Shadows war hien e ganz produktive Kënschtler, dee ganz beléift bei alle Beatmaker ass.
Bobby Womack - How Could You Break My Heart
Deen amerikanesche Sänger, Songwriter, a Gittarist ass bekannt fir seng Bäiträg zu Soul, R&B, a Gospelmusek. Seng Samples si besonnesch beléift am Hiphop an R'n'B.
Bob James - Shamboozie
Deen amerikanesche Jazzpianist, Arrangeur a Komponist ass besonnesch bekannt fir seng Roll am Smooth Jazz-Genre an ass zanter bal 5 Joerzéngten aktiv. Hien ass e Favorit bei allen Hiphop-Produzenten.
Billy Garner - I Got Some
Hien ass warscheinlech am meeschte bekannt fir seng Single "I Got Some" aus dem Joer 1970, déi och vill am Hiphop gesampelt gouf. gesampelt gou
Bill Doggett - Honky Tonk
De Bill Doggett war en amerikaneschen Organist, Pianist a Komponist. Hien ass virun allem bekannt fir säin Hit "Honky Tonk", deen hien international bekannt gemaach huet. E gouf och dacks am Hiphop gesampelt.
Barney Kessel - The Look of Love
De Barney Kessel war en amerikanesche Jazzgittarist, ee vun de bedeitendste Gittariste vum 20. Joerhonnert. Seng aussergewéinlech Technik huet him e festen Numm an der Geschicht vum Jazz abruecht.
Babe Ruth - The Mexican
Babe Ruth, eng brittesch Rockband, déi an den 1970er Jore gegrënnt gouf, si fir hire markante Mix aus Hard Rock, Progressive Rock, a Funk bekannt. Si goufen erfollegräich vun Hiphop-Kënschtler gesampelt.
Aretha Franklin - One Step Ahead
D'Aretha Franklin war eng vun de bedeitendsten amerikanesch Sängerin a Songwriterin vum 20. Joerhonnert. Si gëtt dacks als "Queen of Soul" bezeechent.
Ann Peebles - Troubles Heartaches And Sadness
D‘Ann Peebles ass eng amerikanesch Soul- a Bluessängerin, déi an den 1970er Jore besonnesch populär war. Si ass bekannt fir hire "Memphis Soul" Sound a gouf ënner anerem vum Wu-Tang Clan gesampelt.
RHYTHM - RHYTHM
RHYTHM goufen am Dezember 1971 zu Boston gegrënnt. Hiren Album "RHYTHM" ass eng richteg Freed fir Funk- a Soul-Libhaber. Si goufen ë. a. och vum verstuerwene Rapper Nipsey Hussle gesampelt.
Isaac Hayes - Tough Guys
Den Isaac Hayes war eng amerikanesch Museksikon, bekannt als Sänger, Songwriter, Schauspiller a Produzent. Esou ass et kee Wonner, datt hie ganz beléift am Hiphop ass.
Don Blackman - Holding You, Loving You
Den Don Blackman war en amerikanesche R'n'B- an Jazz-Pianosspiller a Singer/Songwriter, gebuer 1953 New York. Hien huet seng musikalesch Karriär fréi ugefaangen a gouf zu enger markanter Figur am Jazz a R'n'B.
ZAPP - Be Alright
Zapp ass eng amerikanesch Funk-Band, 1977 gegrënnt. Si si virun allem bekannt fir hir innovativ Notzung vun der Talkbox an hir energesch Funk-Beats. Si sinn eng vun de meescht gesampelten Gruppen am Hiphop.
Tyrone Davis - In The Mood
Den Tyrone Davis war en amerikanesche Soul- a R&B-Sänger, dee besonnesch an den 1960er an 1970er Joren erfollegräich war. Gebuer als den Tyrone Fettson de 4. Mee 1938 zu Greenville, Mississippi.
The Sylvers - Cry Of A Dreamer
The Sylvers ass eng amerikanesch R&B- a Soul-Band, déi an den 1970er Jore berüümt gouf. D'Band besteet aus de Geschwëster Sylvers, déi zu Memphis, Tennessee opgewuess sinn.
The O'Jays - Darlin’ Darlin’ Baby
The O'Jays, eng amerikanesch R&B-Grupp, 1958 zu Canton, Ohio, gegrënnt, ass eng vun de bekanntste Bands am Philadelphia-Soul-Genre an huet an den 1970er Joren eng ganz Rei vun Hits erausbruecht.
