arrow_back_ios
Fräie Mikro
Koalitiounsprogramm fir déi nächst fënnef Joer: "No future"
headphones
4 min
Lauschteren
play_arrow
Mir maache wéi wa mir géifen an enger Zäit liewen, an där et d’Zukunft net gëtt, d’Vergaangenheet verschwënnt an dofir d’Géigewaart den eenzegen Horizont ass. D’Urgence vu Krisen a Katastrophen, ob Covid, Klimakris, Krich an der Ukrain an zu Gaza, Inflatioun, den internationalen Triumph vun der Extrême-droite asw. léisst weder Zäit nach Plaz fir d’Sich no den Ursaachen dovun an der Vergaangenheet, nach fir d’Reflexioun iwwer Pläng a Léisungsusätz an der Zukunft. Dës Haltung an dëser Zäit ass eigentlech absurd.
Huele mir d’Klimaverännerung. Si weist hir dramatesch Effekter net eréischt an e puer Generatiounen, mee schonns elo.
A wat maache mir? Mir bekämpfen a wielen déi of, déi vun der Politik, der Wirtschaft a vum Bierger méi Efforte fir Klimaschutz an en anert Verhale verlaangen, mengt den Historiker Denis Scuto am Fräie Mikro vun haut.
Politik a Gesellschaft
Meenung