arrow_back_ios
Europa Aktuell
Europaparlament: Éischt Reunioune vun de Fraktiounen
headphones
5 min
Lauschteren
play_arrow
Am Europaparlament forméiere sech no den Europawalen déi politesch Gruppen an d’Gespréicher iwwer méiglech Koalitioune fänken esou lues un. D’Europäesch Vollekspartei erhieft dee kloren Usproch, datt hir Spëtzekandidatin, d’Ursula von der Leyen un der Spëtzt vun der Europäescher Kommissioun bleift.
Éischt Reunioune vun de politesche Fraktioune weisen, datt d’Majoritéit am Parlament nach net prett ass, sech hanner déi däitsch CDU-Politikerin ze stellen. Eng zentral Fuerderung ass, d’EVP misst fir d’éischt méi kloer no riets ofgrenzen. D’EVP awer seet, déi aner wieren elo um Zuch. D’Fro ass, wéi dee Knuet elo kann opgeléist ginn. D’Danièle Weber huet ënner anerem bei de Lëtzebuerger Europadeputéiert, déi lues a lues zu Bréissel ukommen, nogefrot.
Politik a Gesellschaft
Europa
mic_none
Presentéiert vum
- Daniele Weber
Episoden
Portugal: Rietspartei Chega setzt Migratioun als Walkampftheema Nummer 1
A Portugal ass op eemol d‘Migratioun een Haapttheema am Walkampf fir d'Europawalen. Dat läit virun allem un der riets-extreemer Partei Chega.
Wiele vu 16 Joer un: Eng Première an der Belsch
Bei eisen Noperen an der Belsch an an Däitschland dierfen e Sonndeg bei den Europawalen fir d'éischte Kéier Jonker vu 16 Joer u wiele goen. Wéi kënnt dat un?
Leschte Walowend mam Marine Le Pen a Jordan Bardella
D'Spëtzevertrieder vun deenen, déi de Sondagen no virleien, d'Marine Le Pen an de Jordan Bardella, sinn zu Paräis virun den Unhänger vum Rassemblement National opgetrueden.
Walcampagne an der EU: Ënnerschiddlech Theemen an Interêt
De Walkampf an der EU: Journaliste-Kolleegen a Kolleginnen schwätzen iwwer den Oflaf vun der Campagne an hirem Land.
Ee Walowend mam Raphaël Glucksmann
Dem Spëtzekandidat vun de franséische Sozialisten, de Raphaël Glucksmann, kéint den Duerchbroch bei den Europawale gelengen. Zu Paräis krut hien Ennerstëtzung vum Nicolas Schmit.
Walcampagne an der EU: Ënnerschiddlech Theemen an Interêt
De Walkampf an der EU: Journaliste-Kolleegen a Kolleginnen schwätzen iwwer den Oflaf vun der Campagne an hirem Land.
Ungarn blockéiert Ukrain-Hëllef
Ungarn ass dat eenzegt EU-Land, wat bis elo net d'accord ass, der Ukrain weider Hëllefen zoukommen ze loossen. Déi aner EU-Länner kënne net vill dogéint machen.
EU an Unerkennung vun engem palästinensesche Staat
D’Situatioun am Noen Oste war op en Neits ee vun de Sujeten gëschter bei der Reunioun vun den Ausseministere vun de 27 EU-Länner.
Frankräich: Wat mécht den Rassemblement National a Frankräich esou staark?
Leschten Donneschdeg stounge sech den RN-Spëtzekandidat Jordan Bardella an de Premierminister Gabriel Attal an engem Televisiounsdebat géigeniwwer an hunn hir Visioune fir Europa verdeedegt.
EU - net nëmmen eng Saach vun der Definitioun
D’EU ass net konkret genuch, si ass schwéier ze paken ze kréien an hir politesch Vertrieder nach méi – déi Kritik ass dacks ze héieren, och am Virfeld vun den Europawalen a gutt zwou Wochen.
Wéi hu Schüler:innen den Debat vun de Spëtzekandidaten erlieft?
Wéi hu Schüler:innen den Debat vun de Spëtzekandidaten erlieft?
Rietsruck am Europaparlament: Wat ass ze erwaarden?
Déi Riets a rietsextreem Parteie wäerte Sëtzer derbäi gewannen - dat soe Prognostike fir d‘Europawalen - déi grouss, etabléiert Parteien hu verschidde Strategien, fir dorop ze reagéieren.
Grouss Majoritéit vun EU-Memberlänner seet: Wëllkomm zeréck Polen
D'EU-Länner, mat der Ausnam vun Ungarn, sinn dofir d'Porzedur wéinst Verstéiss géint de Rechtsstaat géint Pole falenzeloossen.
Law and Order am Weltall
Déi nei "Space Race" ass voll amgaangen. Mee d'Weltall-Gesetzer sinn nach zimmlech onkloer. Bei den Efforte fir Weltall-Aktivitéite gesetzlech ze encadréieren, ass Lëtzebuerg ee Virreider.
China: Partner, Konkurrent a Rival fir Europa
Géintiwwer der presuméierter deloyaler Konkurrenz vu China versichen net nëmmen d'USA, mee och d'EU, sech ze wieren. Ob a wéi dat geléngt, kommentéiert den Olivier Hanrion vun der belscher RTBF.
EIB kéint d'Dier opmaache fir de Finazement vun Atom-Projeten
Lëtzebuerg muss sech zu engem Strategiepabeier positionéieren, wou et ëm de Finanzement vun Atomprojete vun der Europäesch Investitiounsbank geet.
Ëffentlech Konferenz iwwer den europäesche Sockel vun de soziale Rechter
Den europäesche Sockel vun de soziale Rechter huet Fortschrëtter bruecht, mee et stelle sech och nach esou munch Erausfuederunge fir déi no Zukunft.
Handyverbuet fir Kanner?
Vu wéini un dierfe /solle Kanner een Handy oder eng Tablett an de Grapp kréien? Frankräich wëll do kloer Reegelen aféieren - wat ass zu Lëtzebuerg geplangt?
Claude Meisch nach ëmmer dofir, de Walalter op 16 erofzesetzen
A fënnef EU-Lànner dierf ee schon vu 16 oder 17 un bei den Europawahlen seng Stëmm ofginn. Net zu Lëtzebuerg, obschonn den Edukatiounsminister dofir ass.
