Alex Izenberg - "I'm Not Here" Album vun der Woch: Vu Léift a Wansinn

​ "Et ass een net gezwongen déi nämmlecht Persoun ze sinn déi ee viru fënnef Minutte war", esou d'Zitat vum englesche Schrëftsteller Alan Watts, wat den Alex Izenberg op sengem neie Wierk "I'm Not Here" begleet. Eng barock Pop-Pärel, déi vum Dirty Projects Haaptmann Dave Longstreth arrangéiert gouf. E Genoss fir Kapp a Séil.

01 - Alex-Izenberg - photo credit Giraffe Studios_lores.jpg
Foto: Giraffe Studios

2012 ass den Alex Izenberg mat paranoider Schizophrenie diagnostizéiert ginn. Eng iwwerwältegend Noriicht mat där hien zanterdeems kämpft an a senger Musek verschafft. Op sengem drëtten Album "I'm Not Here" versicht hien dann nees "Sënn aus senger Mëscht vu Gefiller ze maachen". Eng Mëscht déi hien déi Kéier an e grandios orchestréierte Pop-Album gewandelt huet. Den Alex Izenberg schéngt dobäi seng Multiplizitéit acceptéiert ze hunn. Eng Akzeptanz, déi hie vu Konfusion op Katharsis gefouert huet.

Musikalesch Séil an de fréie 70er

Melancholie ass an deem Ganzen ni wäit ewech, mee d'Sprooch an d'Musek bleiwe verspillt. Et héiert een dann och, datt dem Alex Izenberg seng musikalesch Séil an de fréie 70er sëtzt. Wann ee seng Musek lauschtert kommen engem den Harry Nilsson, de Captain Beefheart, de Lou Reed oder och nach Randy Newman entgéint. Singer-Songwriter bei deenen hien dat eent oder anert gepickt huet. Notamment hir Orchestratioun.

Bléiser a Sträicher maachen "I'm Not Here" zu engem Genoss fir Kapp a Séil. Déi goufen iwweregens vum Dave Longstreth vun "Dirty Projectors" arrangéiert. E Museker, dee fir seng ganz kreativ Arrangementer bekannt ass. Hei huet hien dann och nees déi perfekt Balance tëscht vill a wéineg, imposant an dezent getraff.

"Et ass een net gezwongen déi nämmlecht Persoun ze sinn déi ee viru fënnef Minutte war", esou d'Zitat vum englesche Schrëftsteller a Philosoph Alan Watts dat den Alex Izenberg op sengem neie Wierk "I'm Not Here" begleet huet. Wien oder wou ass den Alex Izenberg dann elo? D'Äntwert fënnt een eventuell am Lidd "Our Love Remains": "All my years of lunacy have taught me that love remains."

An der Mediathéik:

Album vun der Woch / / Jamie Reinert
Lauschteren

Méi zum Thema

Jérôme Klein
Bei der Kaffismaschinn

Dem Vibraphonist, Pianist a Batteur Jérôme Klein säin Debut "Sonder" vun a mat senger Formatioun Klein gouf am Dezember 2021 verëffentlecht. Bei der Kaffismaschinn erzielt den Jazz-Museker dem Philippe Hansen, op wat et bei deem distinktive Jazz-Pop ukënnt.

The Smile - A Light For Attracting Attention
The Smile - A Light for Attracting Attention

"A Light for Attracting Attention" heescht den Debutalbum vu The Smile. Dohannert stiechen awer keng Newcomer, mee zwou Rockgréissten.

Kendrick Lamar
Rap

Mat "Mr. Morale & The Big Steppers" mellt de Kendrick Lamar sech no fënnef Joer zeréck. Hie presentéiert en intensiven Duebelalbum, op deem hien sech selwer an de Mëttelpunkt stellt.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen