Gudde Wëllen Sessions Slumbergaze an de Läbbel live am 100,7-Studio
D'Videoe vun de Sessions vun der Journée de la Musique sinn do! Et gëtt Rap op Lëtzebuergesch mat BC One, Skibi an dem Nicool, an instrumental elektronesch Musek mat Slumbergaze.
De Läbbel ass e Kollektiv vu Lëtzebuerger Hip-Hop-Kënschtler. Am Kader vun der Journée de la Musique waren dräi Rapper bei eis am Studio 8. Un de Mikroen: D'Nicool, BC One a Skibi, un den Decks, den DJ BTM. Erlieft d'Session am intime Kader nach eng Kéier an Toun a Bild.
Bei Slumbergaze trëfft saturéierten, instrumentalen Hip Hop op Post Rock. A senger Musek géife sech Géigesätz unzéien unzéien an ofstoussen, seet den Eric Juncker. Slumbergaze géif Kontraster zesumme bréngen, "och aus menger Persoun eraus." Heiansdo géif ee sech opgewullt spieren, awer et kéint ëmmer séier änneren.
Den 21. Juni huet de radio 100,7 d'Journée de la Musique gefeiert. Déi zwou Sessions sinn eng Produktioun vum Gudde Wëllen, d'Videoe goufe vu Skin realiséiert.
Méi zum Thema
Flash vu Monophona
Bei Monophona war et roueg ginn no de Concerten zu hirer leschter Plack "Girls on Bikes Boys Who Sing" viru gutt zwee Joer. De Marc Clement huet mat der Band geschwat.
Elektronesch Compilatioun
Op enger neier Quarantän-Compilatioun vu Lagerkultur kënnt déi lëtzebuergesch elektronesch Musek zum Zoch, besonnesch dee méi minimale Bord. Sechs Kënschtler bilden zesummen e koherenten a lëftege Mix.
Tuys live um Koll an Aktioun on AIR 2020
Tuys huet an der lescht Stécker als Episode verëffentlecht. Nei Formater fir en neien awer manner gewinnten "Tuys Sound". Si hunn um Koll an Aktioun on AIR um radio 100,7 gespillt.
Eleng mam Vibraphon
Sol - esou heescht dem Pascal Schumacher säin éischte Solo Vibraphon-Album, deen haut um Label Neue Meister erauskënnt. Säin ätheresche Vibraphon Sound gëtt op dësem unhand vun organesche Synthien erweidert.
