An der Mediathéik Russesch Sinfonik mam OPL
Prokofjew a Schostakowitsch sinn zwee Protagoniste vun der russescher Musek am 20. Joerhonnert. Leschte Freideg (17.01.2020) hunn d'Geiistin Baiba Skride an de Philharmoneschen Orchester Lëtzebuerg ënner der Direktioun vum Jukka-Pekka Saraste Wierker vun hinnen zu Lëtzebuerg an der Philharmonie interpretéiert. De Concert kënnt Dir hei nach bis de 24. Januar 2020 nolauschteren.
Déi lettesch Geiistin Baiba Skride, Laureatin vum renomméierte Concours Reine Elisabeth am Joer 2001, ass haut eng vun deene beschten an hirem Fach. Dat gëllt och fir de finneschen Dirigent Jukka-Pekka Saraste, laang Jore Chefdirigent vum WDR-Orchester zu Köln. 1996 hat de Jukka-Pekka Saraste säin Debut mam Philharmoneschen Orchester Lëtzebuerg. Um Programm stinn dem Sergei Prokofjew säin zweete Geieconcerto an dem Dimitri Schostakowitsch seng aacht Sinfonie.
- 00:03:24 - Serguei Prokofjew: Concerto fir Gei an Orchester Nr. 2
- 00:33:21 - Bis
- 00:37:20 - Pausegespréich mat der Geiistin Baiba Skride
- 01:04:05 - Dimitri Schostakowitsch: Sinfonie Nr. 8
Méi zum Thema
En onendleche Wanderer
Ronn 600 Lieder huet de Franz Schubert komponéiert. Den Zyklus "Die Winterreise" huet sonner Zweiwel eng besonnesch Plaz a sengem Wierk an och an der romantescher Musek.
Alessandro Urbano
Den Alessandro Urbano ass den Titularorganist zu Diddeleng an der Kierch. D'Instrument, op deem hien spillt, ass ënner Uergel-Frënn op der ganzer Welt bekannt a gëtt reegelméisseg fir Opname genotzt.
Mahler-Lieder an enger Uergel-Adaptatioun
Den David Briggs adaptéiert dem Gustav Mahler seng Musek fir d'Uergel. Säin aktuellste Projet huet hien zesumme mam Bariton David Pike enregistréiert. Mir ware bei enger Opnam-Sessioun dobäi.
De Mënsch hanner dem Mythos
D'Kirsten Jüngling proposéiert an hirer Beethoven-Biographie en Abléck an eng historesch opreegend Zäit, mat matten dran engem Komponist, dee Krämpes huet, eng Plaz fir sech a seng Musek ze fannen.
