Sample vun der Woch Placebo - Humpty Dumpty

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles / cz

e30.jpg

1971 koum "Ball Of Eyes", den Album vu Placebo, eraus mam Lidd "Humpty Dumpty". Dat war deen éischte vun hiren dräi Alben. Placebo ass eng Jazz-Rock-Grupp vu Bréissel, déi ufanks d'Seventies aktiv war. Si spillen eng Mëschung tëschent experimentelle Sounds, kultesche Synths an absurde Kombinatiounen. Hire Leader huet Marc Moulin geheescht. Hie war e verrécktent Keyboard Genie an ass leider 2008 vun eis gaangen. Op dësem Album maache si e puer Reprisen, wéi zum Beispill vu Marvin Gaye oder Isaac Hayes. Mee "Humpty Dumpty" ass en original Track.

Déi catchy Melodie vum Lidd gouf 2006 vum J Dilla op sengem "Love Jones" benotzt. Et koum op sengem Album "The Shining" eraus. Dat war de Follow-Up zu "Donuts", deen no sengem Doud erauskoum. Den J Dilla ass gestuerwen, wéi just 75 Prozent vum Album fäerdeg gestallt waren. De Rescht gouf vum Karriem Riggins komplettéiert. Säin Afloss op den Drums vun dësem instrumentale Lidd ass ganz besonnesch erauszehéieren.

2017 huet d'Grupp Abstract Orechstra dann nach en Hommage un den Dilla gemaach, andeems si säin Album ganz mat richtegen Instrumenten nogespillt huet. Abstract Orechstra ass nämlech eng Allstar Hip-Hop-Big-Band", wéi si sech selwer beschreift. Se besteet aus 18 englesche Museker, alleguer hanner dem Rob Mitchell, deen aus Leeds kennt. D'Konzept ass anscheinend, alles esou dacks wéi méiglech an engem Take opzehuele mat enger gudder Dosis Improvisatioun. D'Lidd huet eng Hip-Hop-Identitéit, mee ass an enger jazzeger Form eriwwerbruecht. Abstract Orchestra huet och d'Albe vu Madvillain oder Slum Village instrumental nei verëffentlecht.

Zu gudder Lescht nach e Lidd vum Guru senger bekannter "Jazzmattaz" Serie. Um Volume 4 war nämlech d'Lidd "State Of Clarity (Solar Remix feat Common, Bob James)", dat och dee selwechte Sample benotzt. Dat war de Bonustrack vun der australescher Versioun vun der CD. Guru war eng Hallschent vun der Grupp Gang Starr mat enger Karriär vun iwwer 20 Joer. Ech ka mech genee un de Video erënnere mat engem Mix aus dem Cartoon "Fritz The Cat". Dëst Lidd ass e bësse manner jazzeg wéi déi aner, bësse méi modern, mee Guru war Rap-teschnesch bis um Enn vu sengem Liewen ëmmer nach an top Form!

An der Mediathéik:

De Sample vun der Woch / / Bobby Bieles
Lauschteren

Méi zum Thema

Kalbells
Kalbells

Den neie Kalbells Album "Max Heart" ass verspillt, liicht verbéit an iwwerzeegt duerch dat kollektiivt Zesummespill tëscht de véier Musekerinnen. Synth-Pop, Jazz a Funk ginn den Toun un.

William Doyle - Great Spans of Muddy Time
William Doyle - Great Spans of Muddy Time

Vu réien experimentelle Konstrukter iwwer fréijoerlecher Ambient-Musek bis zu Synth-Pop à la Soft Cell. En Album, deen tëscht dem mysteriéisen Ënnergrond an de Feinverzweigunge vun der Iwwerfläch pendelt.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen