Musikalesch Visitëkaart Mat Hutt an eklekteschem Goût
Den Nico Helminger ass een oppene Mënsch, dee gären Anekdoten verzielt an dee vill ronderëm koum. Hien ass ee Fan vun der Wiener Oper, dee genee sou gären op Rock- an Jazz-Concerten geet. D’Musek, de Kino an d’Schreiwen inspiréieren hien. An de Studio huet hie Blues, Jazz, Klassik an Nei Musek matbruecht.
De Mann mam Hutt ass sécher ee vun de opreegendste Lëtzebuerger Auteuren. 1953 am Minett zou Déifferdeng op d’Welt komm, ass de Nico de grousse Brudder vum Guy Helminger. Allebéid schreiwen se: Deen een no sengen Eskapaden op der lokaler Tëlee lieft erëm zu Köln, deen aneren sengersäits wunnt gréisstendeels hei am Land, wann hien net grad nees op enger gréisserer Rees ass.
Zënter den 80er Joeren schafft hien als fräie Schrëfsteller. Am Laf vu senger Carrière krut hien eng Rei Präisser, dorënner de Prix Batty Weber 2008 an deslescht och de wichtegen Prix Servais. Zu senge Wierker zielen Miss Minett, de Schantgen an Abrasch.
An de Studio huet hie Blues, Jazz, Klassik an Nei Musek matbruecht. Ze héieren sinn ënnert anerem: Dem John Zorn säi Jazzgrupp "Masada", dem Garth Knox seng Interpretatioun vum György Ligeti senger Chaconne, de Mikis Theodorakis, den Johnny Drew vun den Dubliners (Viva la Quinta Brigada), de Schluss vum 1. Akt vum Mozart sengem Don Giovanni, dem Schubert seng Winterreise (interpretéiert vum Hans Zender) an den Alvin Lee an Ten Years After mat "I'm Going Home".
De Mike Tock huet e begeeschterte Liewesmann, e kritesche Geescht, e Globetrotter, e sympathesche Gesell op Besuch.
An der Mediathéik:
LauschterenMéi zum Thema
Olivier Toth
Wann den Direkter vun der Rockhal de musikalesche Programm vun der Emissioun zesummestellt, da kann et wuel nëmme rocken! Oder dach net?
Als éischt den Text, dann d'Musek
Den Direkter vum Lëtzebuerger Filmfong Guy Daleiden ass e Fan vu Museker, déi eng Geschicht ze zielen hunn: Hannes Wader, Bob Dylan, Renaud a U2 dauchen a senger Playlëscht op.
Pit Wagner: Mat ville Genren opgewuess
Dem Kënschtler Pit Wagner no, ass et schwiereg Musek-Genren vuneneen ze trennen. De Bommeleeërprozess, bei deem hien Skizzen gemoolt huet, vermësst hien net wierklech.
Alexandra Oxacelay: Rebellioun a Léift
D'Directrice vun der "Stëmm vun der Strooss" ass Fan vu Musek aus den 80er. Schwéierpunkten an hirer Muskalescher Visitekaart si Rock, Liebeslidder a politesch engagéiert Songs. Si erkläert firwat.
