Schlofzëmmerbléck Napoleon Gold - Room 224

Mam Zil, eng Momentopnam vun der Lëtzebuerger Musekszeen ze skizzéieren an een Abléck an d'Schafe vun ausgewielte Museker ze kréien, huet de radio 100,7 13 Lëtzebuerger Kënschtler den Optrag ginn, ee Lidd am Confinement opzehuelen. Den Napoleon Gold huet d'Commande erfëllt, andeems hien am "Sunset Motel", enger Plaz, déi sech selwer fir Nuechten ouni Schlof erfonnt hat, ee weidert Zëmmer entdeckt: d'Nummer 224.

Marc Clement

Schlofzëmmerbléck Napoleon Gold

"Room 224" ass ee weidert Zëmmer vum "Sunset Motel", där imaginärer Plaz, wou den Antoine Honorez, alias Napoleon Gold, seng Zäit verbréngt, wann de Schlof net komme wëllt.

Den Track huet eng breet, muusseg Basslinn a vill kleng Synthesizer-Bullen, e bësse wéi een erfrëschend, spruddelegt Gedrénks. D'Zëmmer 224 kléngt sécher net wéi ee Prisong, mee éischter wéi eng Plaz, wou de Museker sech ameséiert huet, wat een héiert.

"Ech si scho laang kee méi, dee vill erausgeet. Ech sinn et gewinnt, vill doheem ze sinn an u menger Musek ze schaffen." D'Fäegkeet, sech säin eegent Gléck ze baken, egal wéi kleng an och a schwierege Momenter, schéngt aus dësem kuerzen Track erauszeliichten.

"Et war mäi fënnefte Versuch. Ech hunn en enges owes nom Iessen ugefaangen, an en du bis 7 Auer moies net méi lassgelooss. (...) D'Theema war wuel de Confinement, mee deen ass fir mech esou omnipresent, datt ech mech net bewosst drop konzentréiert hunn. Ouni dee wier am Moment näischt esou, wéi et ass".

Spannend Collaboratiounen an zweeten Album

Wat d'Zukunftspläng uginn ass beim Napoleon Gold de Kalenner net eidel. Eng Kollaboratioun mam indesche Museker Monsoonsiren ass um Kachen, genee wéi och Produktiounsaarbecht fir ee vun deenen anere Kënschtler op eiser Schlofzëmmerbléck-Kompilatioun. Méi gëtt am Moment nach net verroden. "An da schreiwen ech natierlech och u mengem zweeten Album, dee mir am Moment besonnesch um Häerz läit."

"Room 224" kléngt verspillt a mécht op jiddwer Fall Loscht op méi. Et dierf ee gespaant sinn.

An der Mediathéik:

Schlofzëmmerbléck / / Marc Clement
Lauschteren

Méi zum Thema

Schlofzëmmerbléck Bartleby Delicate
Schlofzëmmerbléck

De Song vum Bartleby Delicate beliicht de Confinement aus der Siicht vun enger Kaz. Mee am Fong geet et och ëm e verdréitent Verständnis vu Solidaritéit an eng "mauvaise foi" an der Gesellschaft.

Schlofzëmmerbléck Sensu
Schlofzëmmerbléck

Déi nächst Contributioun an der Serie Schlofzëmmerbléck kënnt vum Sensu. "Subsol" ass en ambienten, elektroneschen Track, deen op seng eegewëlleg Manéier eng Geschicht vun der Fräiheet erzielt.

Claudine Muno Schlofzëmmerbléck
SCHLOFZËMMERBLÉCK

Wann een dobannen eng vulnerabel Persoun wëllt beschützen, wärend dobaussen d'Liewe weidergeet mat Kärcheren an Auto botzen: E Lidd iwwer d'Relativitéit vu Gefor a Misère.

Schlofzëmmerbléck Autumn Sweater
Schlofzëmmerbléck

Lëtzebuerger Museker a Bands schreiwe Lidder aus der Quarantän fir de radio 100,7. Dräimol an der Woch gëtt en neie Song virgestallt. D'Contributioun vun Autumn Sweater heescht "Half of March".

Praktesch Infoen

  • In memoriam Jay Schiltz: Sonndeg, 10:00

    Jay Schiltz

    De Jay Schiltz, laangjärege Chefredakter a Mataarbechter vum radio 100,7 ass de Mëttwoch am Alter vun 62 Joer gestuerwen. Dëse Sonndeg loosse mir Frënn, Aarbechtskolleegen, Mënschen zu Wuert kommen, déi de Jay e Stéck vu sengem Wee, berufflech oder privat, begleet hunn.

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen