Semaine de la Santé Mentale "Musek kann déi emotional Connectioun zum Liewen erëm hierstellen"

"Nëmme wéineg Leit mat mentale Problemer haten d'Geleeënheet, dëst duerch de Kanal vun der Musek ze verschaffen, an e klengen Deel vun deene sinn domat onstierflech ginn". Rieds ass vum Club of 27, deem tragesch, illustere Club vu jonk verstuerwene Museker, dacks duerch Suicide oder d'Suitte vu Suchtproblemer.

Marc Clement / cbi

Pol Belardi
De Pol Belardi huet e Concert fir d'Santé mentale organiséiert. Foto: Archiv

"De Message ass ganz kloer, datt een och mat mentalen Trouble kann eng Mark am Liewen hannerloossen", esou de Pol Belardi, deen domat beoptraagt gouf ee Concert ze koordinéiere fir d'Ligue luxembourgeoise de l'hygiene mentale, déi am Moment eng Semaine de la santé mentale organiséiert.

Aus der Wierker vum Club of 27, mee och vun anere Museker, déi mat hirer mentaler Gesondheet ze kämpfen haten, huet sech séier eng Selektioun vu Lidder erauskristalliséiert, déi de Pol Belardi nei arrangéiert huet. Janis Joplin, Nick Drake, Bon Iver, Jimi Hendrix, Amy Winehouse a vill anerer ginn esou nei interpretéiert vun der Ekipp.

Et sangen d'Claire Parsons, de Pascal Useldinger, an de Sven Sauber, deen och d'Gittar spillt. D'Ananata Roosens spillt Gei, d'Nicole Miller Alto, d'Annemie Osborne Cello, de Sebastian Flach ass op der Bass, den Niels Engel op der Batterie an de Pol Belardi um Piano.

De Concert "Club of 27" kënnt Dir dëse Samschden, 10 Oktober em 8 Auer am CAPE zu Ettelbréck erliewen, oder awer am Stream doheem genéissen op www.semainesantementale.lu.


An der Mediathéik:

Backstage / / Marc Clement
Lauschteren

Programm

Net verpassen

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen