Sample vun der Woch Linda Clifford - Never Gonna Stop

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles / tt

e17.jpg

Linda Clifford ass eng R'n'B-, Disco- an House-Musek-Sängerin a Schauspillerin.

Dëst Lidd staamt vun hirem véierten Album "Here's My Love" vun 1979. An deem Joer huet si souguer zwee Albumen erausbruecht. Den Album ass ënner anerem vum Curtis Mayfield produzéiert a si schaaft eng gutt Balance tëschent danzbarem Disco a soulfulle Lidder.

Si hat mat deem Album elo net wierklech den Duerchbroch, hir Lidder ginn dacks als ze propper bezeechent.

1996 huet den 2Pac den Sample benotzt, an zwar fir säi Lidd "All Eyez On Me".

Dat Lidd staamt vum duebelen Album "All Eyez On Me", deen op Death Row Records erauskoum. Dat war säi véierten Album an dee leschte viru sengem Doud. Hie luet op dësem Lidd de Rapper Big Skye vu senger anerer Grupp The Outlaw Immortalz an. D'Produktioun ass vun Johnny J, dee ganzer eelef vun 27 Tracken op dëser duebeler CD gemaach huet. Vill Leit bezeechnen deen Album als een vun deene beschte Rap Albumen ever. Op dësem Lidd erzielt den 2Pac säi Liewen nom Prison ("All Eyez On Me"), wéi jiddweree kuckt, wat hien mécht: Police, Fans, Hater, Fraen, a souguer den FBI.

E puer Méint drop ass dann och dat heite Lidd erauskomm: "Streetdreams" vum Rapper Nas. Dat war op sengem zweete Album, et war déi zweet Maxi. Den Album heescht "It Was Written". Hie benotzt dee selwechte Sample, mee hie verschafft en e bëssen anescht. D'Produktioun ass vun Trackmasters, a hie mixt souguer e Stéck vun Eurythmics "Sweet Dreams" mat a säin Refrain. Hien erzielt hei vun engem Drogekartell zu Las Vegas, an dee ganze Video ass eng Hommage un de Film "Casino" vun Scorcese. De Clip ass gedréit vun Hype Williams, an am Clip gesäit ee souguer eng séier Apparitioun vum "Casino"-Schauspiller Frank Vincent.

An der Mediathéik:

De Sample vun der Woch / / Bobby Bieles
Lauschteren

Méi zum Thema

e16.jpg
Sample vun der Woch

1982 koum "I Keep Forgetting" vum Michael McDonald eraus. Eng Melodie, déi een och bei anere Lidder erëmfënnt. De Bobby Bieles ass Sample-Detektiv an erzielt d'Geschicht vum Lidd.

e14.jpg
Sample vun der Woch

Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

e12.jpg
Sample vun der Woch

Et kann ee keng Sendung iwwer Samplen maachen ouni iwwer Parliament ze schwätzen. 1978 hu si d'Lidd "Flashlight" erausbruecht. Dëst Lidd gouf Dosende vu Kéieren am Hip-Hop gesampelt.

Urlaub in Polen
Urlaub in Polen - All

D'Musek vun Urlaub in Polen éiert net nëmmen déi Kölner Post-Punk Traditioun, mee erneiert se och mat frëschen Iddien. Datt Minimalismus net langweileg muss sinn, weist hir nei Plack "All", fënnt de Marc Clement.

Programm

Net verpassen

  • Nei Serie: poesik

    jr-korpa-GQeSfSWmXvI-unsplash.jpg

    Dem Jean Portante seng nei Serie stellt Kompositiounen a Lidder vir, Wierder a Kläng, déi der Weltpoesie eng nei Dimensioun ginn a se dem Publikum méi no bruecht hunn.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen