Live Musek am Podcast Lauschtert d'Aircheck Session vu Great Mountain Fire

Och ouni Applaus stëmmt d'Energie. Déi véier jonk Museker sinn dankbar, fir endlech nees kënne ze spillen. Hir Freed héiert een an all Nout. Lauschtert d'Session vu Great Mountain Fire an der Kulturfabrik.

Yves Stephany

Great Mountain Fire
Great Mountain Fire

Den Applaus tëschent de Songs feelt. Awer d'Energie stëmmt. "Mir stinn an engem Krees, wéi eng grouss Bull aus Feier", seet de Sänger Thomas de Hemptinne. Wa kee Publikum do wier, fir Impulser zeréck ze ginn, géifen d'Museker sech géigesäiteg deen nonverbale Feedback ginn, deen op Concerte sou wichteg ass, erkläert de Bassist Alexis Den Doncker.

"Wéi eng Bull aus Feier" (Foto: radio 100,7/ys)

Déi véier jonk Museker sinn e perfekt agespillt Team. Mat vill Fangerspëtzegefill danze funky Akkorde vun de Gittaren iwwer den zolitte Groove vun der Rhythmussektioun. Déi analog Synthesizere vun Tommy Onraedt suerge fir déi néideg Déift, an d'Gesangsharmonië sinn dezent awer op de Punkt.

D'Musek vu Great Mountain Fire drängt sech zu kengem Moment op, déi véier Protagonisten handelen zu all Abléck am Déngscht vum Song. Trotzdeem hu si permanent den Dancefloor am Viséier.

Den Tommy Onraedt spillt Synthesizeren a Perkussioun (Foto: radio 100,7/ys)

Hir Approche erënnert mat Momenter un déi vun The Whitest Boy Alive: D'Gefill vun elektronescher Danzmusek mat den Instrumenter vun enger Rockband z'iwwersetzen.

Schwéier Gebuert vu "Movements"

D'Arrangementer vum neien Album "Movements" wieren entstanen, wéi d'Band op Tournée war, erkläre si am Interview mam 100,7. De Longplayer sollt am Mee erauskommen. Doraus gouf näischt, an och déi verréckelt Release am September am Botanique huet misste gestreamt ginn.

"Dat hei war definitiv besser", seet den Alexis Den Doncker nom Concert. "Interessanterweis spiert een, datt Leit um Radio nolauschteren", sou den Thomas de Hemptinne. De Quartett hofft, "Movements" am Mee 2021 endlech mat engem physesche Publikum kënnen ze deelen.

E perfekt Zesummespill... (Foto: radio 100,7/ys)

D'Aircheck Session an der Kulturfabrik war hiren éischten Optrëtt zu Lëtzebuerg. Si wéilten onbedéngt zeréckkommen, sou d'Museker wéi si hir Instrumenter an de Van alueden, fir zeréck op Bréissel ze fueren.

An der Mediathéik:

Aircheck / /
Lauschteren

Méi zum Thema

Aircheck Session - Heavy Patrol
The Last Barrel

E Samschdeg spillt déi Lëtzebuerger Blues Band Heavy Petrol an der Kulturfabrik. Ouni Publikum, duerfir geet de Concert hei um radio 100,7 live um 17.00 iwwer d'Antenn. E Gespréich mam Gittarist Steve Richer.

Aircheck Session vun Tuys
Concert

Fir trotz der Pandemie Concerte kënnen ze genéissen, huet de radio 100,7 zesumme mat der Kufa d'Aircheck Sessions an d'Liewe geruff. Den éischte Concert kënnt vun Tuys. Lauschtert hiren Optrëtt hei nach eng Kéier.

Programm

Net verpassen

  • Nei Serie: poesik

    jr-korpa-GQeSfSWmXvI-unsplash.jpg

    Dem Jean Portante seng nei Serie stellt Kompositiounen a Lidder vir, Wierder a Kläng, déi der Weltpoesie eng nei Dimensioun ginn a se dem Publikum méi no bruecht hunn.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen