D’Rachel Xi Zhang an de Laurent Warnier sinn op der Bühn wéi och am Liewen eng Koppel. Op der Bühn bilden se de Perkussiounsduo “Joint Venture”.
De Maurice Ravel präägt den Duo. Wéi den Laurent Warnier ons sot, gehéiert de franséische Komponist zu senge léifste Komponisten. Den éischten Album vun Joint Venture steet och ënnert deem Motto. Den Titel vum Album deemno: "Ravel – Dances and Fairy Tales".
Dem Laurent Warnier no, sinn Marimba a Vibraphone déi interessantst Instrumenter, "well se e bëssen d’Qualitéiten vun aneren Instrumenter ofdecken."
E flotten Album vun Joint Venture mat Musek vum Ravel, bei deem s mer och de breede Spektrum vun den Instrumenter Marimba a Vibraphone a punkto Klang an Effekt kenneléieren. En Album den eis och d’Musek vum Ravel ënnert engem neie Liicht, Charme a Perfektioun nei entdecke léisst.
D’CD-Release gëtt de 6. Juli mat engem Concert am MUDAM gefeiert.
Den Interview vum Manuel Ribeiro mam Laurent Warnier: