Pianst Jeop Beving - Neo-Minimalismus am Atelier

De Joep Beving ass deen am meeschte gestreamte Pianist op der Welt. De Succès vu senger éischter Plack, enger Sammlung vun einfache Pianosstécker, war ganz de Streaming-Plattformen ze verdanken. Dëse Sonnden den Owend presentéiert den Atelier den hollännesche Minimal-Komponist a sengem eegene Lieu. Am Gespréich mam Marc Clement weist sech ee Kënschtler, deen de Glawen dorun, datt et eng musikalesch Essenz gëtt, net verluer huet, an op gréisstméigleche Konsens aus ass.

Marc Clement / cbi

Joep Beving
Foto: Rahi Rezvan

Marc Clement: Wann Dir iwwer Är Musek schwätzt, setzt Dir se oft als Géigegëft zur Verfriemung, déi eis vun eisem Ënneren ewechhält. Wat genee mengt Dir domat?

"Ech probéieren, d'Saachen ze vereinfachen, an eng gewëssen Essenz ze fannen, wann ech schreiwen. Dann ass et fir d'Leit méi einfach, sech erëm z'erkennen an eppes domat unzefänken.

D'Verfriemung ass, menger eegener Erfarung no, duebel. Fir d'Éischt ass Lieweg Sinn schonns fir sech eng komesch Affär!. Doriwwer eraus liewe mir an Zäite, wou vill Saache passéieren, déi eis bedeitungslos a grotesk virkommen, well se ze wäit ewech si vun deem, wat mir bannendran novollzéien kënnen, a wat eis am Immediaten als Richteg oder Falsch erschéngt."

Zweetens, esou de Jeop Beving, wier eis Gesellschaft méi fragmentéiert, a méi staark polariséiert ginn. Jiddwereen huet ewell seng eege kleng Versioun vun der Wourecht, a vun der Wierklechkeet selwer, an et gëtt ëmmer méi schwéier, mat de Leit ronderëm an eng Linn ze kommen, an eng Verbindung mat hinnen ze spieren. Vill Kommunikatioun geet verluer am Triichter vum Algorithmus.

"Wat ech ustriewen, wann ech schreiwen, ass d'Sprooch vun der Musek op esou eng essentiell Manéier anzesetzen, datt se mat ville Leit resonéiere kann - iwwer hir Iddien a Meenungen ewech. Ech sichen déi Zort Verbindung, déi mir mat der Natur hunn: wat och ëmmer eis Virstellungen an Iwwerzeegungen, deen Effekt, deen d'Natur op eis huet, ass fir jiddwereen änlech. Et ass eppes, wat mir erëmerkennen, an deem mir eis ageschloss fillen, an dat eis ënnerlech berouegt. Ech maachen dat fir d'éischt emol fir mäin eegent Wuelbefannen, an dann hoffentlech och fir Anerer.

Ech probéiere mech selwer esou vill wéi méiglech aus der Equatioun ze zéien an dat ze schreiwen, wat mech tréischt a wat ech schéi fannen. Ech lauschteren dobäi op mäi Kierper. Wann ech vun enger bestëmmter Phrase oder engem Stéck Musek Héngerhaut kréien, kann ech op d'mannst hoffen, datt dat bei anere Leit och esou ass. Ech mengen, dat ass et, wat ee wëll, wann een eppes Neies erschaaft fir d'Welt oder fir aner Leit. Wann ech komponéieren denken ech also net vill no, ech probéieren esouguer éischter, meng Gedanken aus dem Wee ze kréien."

Ganz geschwënn soll eng Theatermusek erauskommen, déi de Jeop Beving fir eng Kreatioun a sengem Heemechtsland komponéiert huet, genee wéi och eng nei Plack vun onofhängege Kompositiounen.

De Concert de Sonnden, 3. Oktober am Atelier ass ee CovidCheck-Event an d'Diere ginn ëm 7 Auer op.

An der Mediathéik:

Musek Aktuell / / Marc Clement
Lauschteren

Méi zum Thema

Brendan Eder
Interview

Op "Cape Cod Cottage" begléckt den amerikanesche Komponist Brendan Eder mat elegantem Jazz deen net nëmmen de Salon miwweléiert. Den Jamie Reinert huet sech mam Jazz-Museker ënnerhalen.

Ice In My Eyes
Release-Concert e Freideg

Dëse Freideg kënnt den neien Album vun Ice In My Eyes eraus. Hir Lidder sprenge gär d'Format vum Popsong, sinn awer ëmmer danzbar. All Parallellen zu britteschem 80's New Wave si rengen Zoufall.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen