Nana Adjoa - Big Dreaming Ants Groove deen iwwerzeegt

D'Nana Adjoa - Eng jonk hollännesch Musekerin mat Originnen am Ghana, huet e Freideg hiren offiziellen Debut erausbruecht. "Big Dreaming Ants" beschäftegt sech mat existentielle Froen a sicht no de groussen Zesummenhäng.

Jamie Reinert / cz

Nana Adjoa - Big Dreaming Ants
Foto: Latoya Van Der Meeren

D'Nana Adjoa ass eng experimentéiert Multi-Instrumentalistin. Gittar, Perkussioun, a sëlleg Tasteninstrumenter sinn hir bekannt. Mee d'Musekerin vun Amsterdam ass an éischter Linn eng Bassistin. Iddien bënnt si instinktiv unhand vun déiwen Téin zesummen. Hir atmosphäresch Pop-Ambiancen kréie mat hire fléissende Bass-Linnen den néidege Groove. Hire Sound beweegt sech tëscht organesch a synthetesch. Natierlech Kläng vun enger Conga treffen op déi kontrolléiert Sequenze vun enger drum-machine. Déi verschiddenst Texturen a vill-schichteg ryhthmesch Elementer sinn d'Grondsteng, iwwer déi der Nana Adjoa hir raucheg Stëmm sech vill Zäit huele kann.

Der Nana Adjoa hirem Albumtitel no si mir all Seejomessen déi grouss dreemen. D'Musekerin alteréiert tëscht mikroskopesch a makroskopesch Bléckwénkel. Beschäftegt sech mat perséinlechen existenzielle Problematiken awer och de groussen Zesummenhäng. Op "National Song" hannerfreet si blannen Nationalismus. Wéi eng kulturell Identitéit vun Traditioun ageengt ka ginn. Dës Thematik ënnermoolt d'Nana Adjoa mat epesche Synthesizer Kläng an enger lassgeléister Performance. Méi intimistesch geet et op "Every Song" hir, wou den éiwege Kampf mat Originalitéit ganz direkt duergestallt gëtt. Déi ënnerlech Sich no enger Stëmm no enger Iddi gëtt mat vill Reverb a verflechte Vocalharmonien verklanglecht.

Hir ghanaesch Originnen éiert d'Nana Adjoa mat engem Cover vum Ebo Taylor sengem "Love & Death". Den Ebo Taylor - eng Musekslegend aus dem Ghana deen zanter de 50er zum Sound vun Afrobeat an Highlife bäidréit. Di pulséierend Bass-Melodie gouf bäibehalen, mee der Nana Adjoa hir lëfteg Produktioun an duuss Stëmm droen zum Erfolleg vun dëser eegener Interpretatioun bäi.
"Big Dreaming Ants" zitt a vill Richtungen an hannerfreet villes op grouss oder kleng. Fir en Debut kënnt d'Musekerin poséiert an erfueren eriwwer. Si huet op alle Fall hire Wee fonnt an um Album den Zwiespalt tëscht Individuum a Kollektiv iwwerwonnen.

An der Mediathéik:

Album vun der Woch / / Jamie Reinert
Lauschteren

Méi zum Thema

Illustratiotun Radio
Radioslandschaft

An engem Rapport huet d'EBU d'Contributioun vum ëffentleche Radio a senge Museksaktivitéiten zu der europäescher Wirtschaft chiffréiert. Et ass déi éischte Kéier, datt dat geschitt.

Michel Welter
Concertsberäich

De Michel Welter weess net, wéi laang den Atelier et nach als Organisateur vu Concerte kéint packen. De Gerant vun "A promotions" rechent domat, datt eréischt 2022 eng normal Aktivitéit kéint erreecht ginn.

Programm

Net verpassen

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen