Koll an Aktioun "On Air" Eng richteg Festival-Experienz um Radio an am Stream

An enger Woch ass et souwäit ! De Koll an Aktioun geet nächste Samschdeg " On Air " iwwer d'Bün. Et geet net drëms, fir just e weidere Live-Stream iwwer déi sozial Medien ze schécken. D'Zil ass et, fir Iech doheem eng richteg Festival-Experienz z'offréieren.

Koll an Aktioun
Foto: Sam Flammang

Natierlech wäert et live Musek ginn, bei der On Air Editioun vum Koll an Aktioun. Op der Affiche:

  • D'Indie-Rock Formatioun TUYS, déi sech dëst Joer mat enger Serie vu Singelen am gaange sinn nei z'erfannen.
  • Déi jonk Sängerin AEM, déi mat hirem intimisteschen an engagéierten Elektro Pop drop waart fir d'Häerzer vum Publikum un d'Schmmëlzen ze bréngen.
  • De Mambo Schinki, deen Iech mat senger Weltraumuergel virum Radio wäert un d'Danze bréngen.
  • En DJ Set mat dubbege Kläng vum Public Service Soundsystem.

Déi Sessions kommen aus dem Studio vum radio 100,7 - dat heescht d'Qualitéit stëmmt.

Interaktivitéit op zwou Bühnen

Wéi bei engem richtege Festival ginn et beim Koll an Aktioun zwou Bühnen, erkläert de Christophe Murroccu, Pressespriecher vum Koll an Aktioun.

"Dat eent ass dat, wat iwwer de Radio leeft, iwwer d'App an och den Internetsite vum Radio. Dat anert ass e Video-Stream. Do wäert et deelweis komplementäre Contenu zu kucken oder ze lauschtere ginn. Heiansdo ass et och dat nämmlecht. Et ass ëmmer am Esprit vum Koll an Aktioun."

D'Interaktivitéit war den Organisateure ganz wichteg. An och d'Erreeche vun allen Altersklategorie vum Publikum vum jamilljefrëndleche Festival. Fir déi Kleng ginn dowéinst am Video-Stream Workshoppen ugebueden, déi och och Site vum Schifermusée zu Maartel virgesi waren. Zum Beispill kéint een e Kazoo bastelen, seet de Christophe Murroccu. "Mir hu Workshoppe mam Schifermusée zesummen." Do géif d'Verankerung mam Site ënnerstrach ginn. D'Material fir de Schiferatelier kann ee sech am Viraus bestellen.

Fir Läif a Séil

Maache mir eis näischt vir: zu der kompletter Festivalexperienz gehéiert och Iessen an Drénken dozou. Beim Koll an Aktioun war dat, net zulescht wéinst dem bekannten vegane Brunch, e wichtege Volet. An dee soll och bei der On Air Editioun net ze kuerz kommen.

"Mir wäewrten e puer vun eise Geheimnisser aus der Kichen an hanner dem Bar devoiléieren", seet de Christophe Murroccu. Et sollt ee sech awer net ob e klassesche Kachvideo astellen.

De Rendezvous ass nächste Samschdeg, vu moies un op de soziale Medien, a vun 2 bis 6 am Nomëtteg och hei um Radio. Och Sonndes wäert et via Facebook nach Aktiounen am Kader vum Festival ginn.

An der Mediathéik:

Kultur / / Yves Stephany
Lauschteren

Méi zum Thema

Schlofzëmmerbléck Ryvage
Schlofzëmmerbléck

D'Spannung tëschent schéin, epesch, ästhetesch an ënnerdréckent zitt de Samuel Reinard aka Ryvage un. Op "Tulipe" schafft hie mat Knascht am Signal a liwwert e Lidd dat "donkel ass, awer net hoffnungslos".

Schlofzëmmerbléck C'est Karma
Schlofzëmmerbléck

Fir déi jonk Songwriterin war den Track "Post" eng vun deenen éischten Erfarunge selwer ze produzéieren. D'Resultat wier "net mega komplex", mee hätt e laange Prozess hanner sech.

Koll an Aktioun
Koll an Aktioun On Air

Vill Festivalle goufen ofgesot. De Koll an Aktioun wäert net ënner der gewinnter Form zu Maartel iwwer d'Bün goen. Awer dee schéinste Lëtzebuerger Festival huet eng aner Plaz fonnt, fir ze feieren.

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen