Fir d'Commande vum radio 100,7 Schlofzëmmerbléck z'erfëllen, huet den Edsun sech mam Keyboard zeréckgezunn an doheem, eleng, "Until Tomorrow" opgeholl.
"De Song huet tëschent der éischter Iddi an dem Endresultat kaum changéiert", esou den Edsun.
D'Thematik vum Lockdown wollt hien duerch de Bléck vun deene Vulnerabelen adresséieren, "Minoritéiten, Refugiéen a Leit ouni Doheem". De Song ass als Opruff zur Solidaritéit ze verstoen, net fir d'Kënschtler, déi sécher och hir Schwieregkeeten hunn, mee fir déi, déi schonns soss am Alldag Hëllef brauchen.
Beim Edsun heescht et an Zukunft weider Musek erausbréngen, ëmmer gär och mat engem Video - där hie grad ee gedréit huet.