Drab City - Good Songs For Bad People Popsongs mat Variatioun, Déift, a Geheimnis

Eng Debut-Plack fir ze lauschteren an ofzeschalten, erausbruecht vum amerikaneschen Duo Drab City. "Good Songs for Bad People" proposéiert eng zéng handwierklech impeccabel ficeléiert Popsongs.

Marc Clement / cbi

Drab City
Foto: Drab City / Facebook

Intensiv Songtexter op engem Bett vu cinemateschem Sound, dat war an der Rockmusek schonn ëmmer eng fruchtbar Verbindung. Och déi nach jonk Band start mat dëser virdeelhafter Mëschung. Op hirem Debut-Album "Good Songs for Bad People" verféiert eng melliferéis Stëmm d'Oueren dozou, sech op trip-hoppeg Beats anzeloossen, wat séier verzeien deet, datt den Titel vun der Plack gläichzäiteg no Selbstluef sténkt, an den Nolauschterer indirekt beleidegt.

Do dierf et schonn hei an do ee Vibraphon, eng Querflütt, eng séiss Straicherlinn sinn, fir der Sängerin Asia, där hire Familljennumm keen op der Welt ze kenne schéngt, hir Geschichten a Gedanken, ze verdéiwen an opzehellen.

Am Song "Working for the Men", déi éischt Advace Single, déi virun e puer Méint d'Ronn gemaach huet, erzielt d'Asia vun enger Fra, déi beim Floss fir d'Männer d'Wäsch mécht, bis e Militärboot laanschtkënnt a mat Kanounen op si schéisst.

Subtil Paradoxer

Eng Aart trageschen, sensibelen Zynismus fléisst aus der Stëmm, wärend d'Produktiounen hannendrun, vum Asia zesumme mam Bandpartner Chris Dexter Greenspan concoctéiert, de Wierder hir Kanouneschëss an Zäitlupp ze setze schéngen, hir Impakter duuss a sametteg an enger Surface, déi sech dematerialiséiert. Paradoxer sinn opschlossräich a bei Drab City esouguer dacks zimmlech subtil.

De Gebrauch vu gesampelte Panflütten op liicht düster Manéiere kann ee vun de mysteriéisen EERAS kennen, de Vibraphon erënnert un de Fransousen Air hire Soundtrack fir dem Sofia Coppola hire "Virgin Suicides" d'Rhythme mat Momenter u Portishead, d'Straicher un déi éischt Plack vun der Alison Goldfrapp.

Handwierklech impeccabel Popsongs

Et ass also näischt Neies oder komplett ausser der Rei um Drab City hirem Instrumentarium. Wat déi zwee Amerikaner hei zu hirem Sound distilléiert hunn, ass awer och méi wéi just eng Nuance vun deem, wat ee schonn héieren huet.

"Good Songs for Bad People" hält an deem Sënn säi Verspriechen a proposéiert eng zéng handwierklech impeccabel ficeléiert Popsongs mat Variatioun, Déift, Flair, Stëmmung an der richteger Portioun Geheimnis. De Potenzial vun Drab City jäizt op jiddwer Fall quasi aus dëse Kläng eraus, an deet op méi hoffen.

An der Mediathéik:

Album vun der Woch / / Marc Clement
Lauschteren

Méi zum Thema

RunTheJewels
Run the Jewels - RTJ4

Mat "RTJ4" liwwert de Rapduo Run the Jewels de Soundtrack fir d'Black Lives Matter Protestbeweegung. Knallhaart Beats treffen hei op Lyrics iwwer Policebrutalitéit a Rassismus.

CVR_6466-36 001
Perfume Genius - Set My Heart on Fire Immediately

"Set My Heart on Fire Immediately" - en epeschen Titel fir en epeschen Album. Dee fënneften Opus vum amerikanesche Sänger Perfume Genius weist en Artist, dee mat sech a sengem Kierper a senger Vergänglechkeet Fridde schléisst.

Programm

  • Vu 6 bis 10

  • On air

    Vun 10 bis 2

  • Resonanzen

  • Vun 3 bis 6

  • Tockcity

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen