Schlofzëmmerbléck Déi positiv Säit vum Confinement

Eis Museksredaktioun huet bei 13 Lëtzebuerger Musekerinnen, Museker a Bands Lidder an Optrag ginn. Dräimol an der Woch gëtt en neie Song virgestallt. D'Zil ass eng Momentopnam vun der Musekszeen am Confinement. D'Contributioun vun Autumn Sweater heescht "Half of March".

Schlofzëmmerbléck Autumn Sweater

Verschidde Leit wieren der Meenung, datt elo vill Koppelen auserneeginn, well si am Confinement méi Zäit matenee verbréngen, seet de Philippe Demart, deen "Half of March" geschriwwen huet. Bei him a senger Fra wier dat de Géigendeel, "well mir mol Zäit hu fir déi Gespréicher ze féieren, déi mir soss am Alldag net esou féiere kënnen." Dat wier dat Positiivt, wat si fir sech kéinten aus der Kris zéien.

Duerch den Optrag hätten d'Museker sech forcéiert, fir fir déi éischte Kéier hir Instrumenter all selwer bei sech doheem opzehuelen, seet de Batteur Christophe Demart. Normalerweis géif dat zesummen, live am Proufsall geschéien.

Bei dëser Manéier ze schaffen, misst een ëmmer eng Decisioun huelen, fir deen nächste Museker, deen de Projet kritt. "Du hues guer keng Kontroll doriwwer, wat déi aner maachen." Dës Manéier fir ze schaffe wier ganz interessant, seet de Philippe.

Si hätten duerch dëse Prozess och geléiert, datt manner méi ass. D'Batterie wier an engem klenge Raum mat zwee Mikroen opgeholl ginn. "Si kléngt sou cool, wéi se virdru mat zéng Mikroen definitiv net geklongen huet", seet de Philippe.

De Christophe an de Philippe Demart am Interview

D'Musekmaachen am Proufsall géif hinne feelen, seet de Christophe. "A sech einfach gesinn, well et ass dat, wat d'Band fir eis ausmécht." Musek wier fir si en Hobby, awer en Häerzenshobby. Wéini si nees kéinten zesumme spillen, géif dovun ofhänken, wéini de Rocklab seng Proufsäll nees géif opmaachen.


Dat ganzt Gespréich mat Autumn Sweater

Lauschteren


An der Mediathéik:

Schlofzëmmerbléck / /
Lauschteren

Méi zum Thema

Francis of Delirium Schlofzëmmerbléck
Schlofzëmmerbléck

D'Annulatioun vun alle kulturelle Manifestatiounen huet dozou geféiert, datt vill MusekerInnen eleng doheem sinn. De radio 100,7 huet 13 Lidder an Optrag ginn. Deen éischte Song kënnt vu Francis of Delirium.

Sam Reinard
Corona-Kris

D'Proufsäll an all aner Espacë vum Rocklab si momentan zou. Trotzdeem gëtt weiderhin eng Offer mat Informatiounen, Tipps an Tricks offréiert. Véier Videoe ginn all Woch publizéiert.

Online-Chouer
Online-Chouer

Déi éischt Editioun vum Online-Chouer vum INECC a vum radio 100,7 ass ofgeschloss. Iwwer 60 Leit hu sech beim Sange gefilmt an hir Clips erageschéckt. De fäerdege Video an d'Hannergrënn fannt Dir hei.

Koll an Aktioun
Koll an Aktioun On Air

Vill Festivalle goufen ofgesot. De Koll an Aktioun wäert net ënner der gewinnter Form zu Maartel iwwer d'Bün goen. Awer dee schéinste Lëtzebuerger Festival huet eng aner Plaz fonnt, fir ze feieren.

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen