Musek zu Lëtzebuerg De Raum erfaassen

Als Sängerin ass d'Claire Parsons eng Stëmm mat ville Facetten, déi a ville Projeten zum droe kommen. D'Schreiwe vun hirem eegene Solo-Material war fir déi brittesch-lëtzebuergesch Musekerin eng nei Erfarung, déi si siichtbar begeeschtert huet.

Marc Clement / cbi

Claire Parsons
D'Claire Parsons. Foto: Archiv

Lauschtert de ganzen Album mat der Claire Parsons


"Wann ech elo mat anere Leit zesummeschaffen, dann ass et vill méi einfach fir si ee Gefill dofir ze kréien, wien ech musikalesch sinn", beschreift d'Claire d'fanne vun enger Stëmm fir eng Kollektioun Songs.

Ee räichen Album

Den Debutalbum "In Geomortry" versteet sech als Visittekaart, als glécklech Effusioun, an organiséiert d'Songmaterial ënner zesummenhänkenden Titelen. D'Geometrie an den Espace sinn d'Haaptmetapheren, mee den Album ass ze räich fir sech als Konzeptalbum offäerdegen ze loossen.

"Ech hunn a leschter Zäit entdeckt, datt et Manéiere ginn, d'Musek geometresch duerzestellen. Ech hunn dat faszinant fonnt, an et ass an d'Plack mat agefloss, an deem Sënn, datt vill musikalesch Figuren d'Beweegunge vu Punkten, Linnen a Kurven nomaachen."

Der Claire Parsons hiren Jazz-Hannergrond verschmëlzt op "In Geometry" mat de Jugendhelde Radiohead hire melancholesche Pop- a Rock-Strukturen.

Bekannte Gesiichter

"Ouni de Charel Stolz, deen d'Visioun vun dëser Plack verstanen a se dunn am Sound ëmgesat huet, wier dës Plack net, wat se ass", esou d'Claire. An och vun der Band, déi dës d'Songs mat hir opgeholl huet, koum vill gefillsvollen Input.

Op der Gittar spillt den Eran Har Even eng wichteg Roll, hien huet sech zu Amsterdam via Israel etabléiert. Op den Drums fanne mer den Niels Engel an op ville weideren Instrumenter e puer vun hinnen elektronesch, déi villsäiteg a verspillte Pol Belardi a Jerome Klein.

Méi zum Thema

Gudde Wëllen Sessions
Gudde Wëllen Sessions

D'Videoe vun de Sessions vun der Journée de la Musique sinn do! Et gëtt Rap op Lëtzebuergesch mat BC One, Skibi an dem Nicool, an instrumental elektronesch Musek mat Slumbergaze.

Monophona
Musek zu Lëtzebuerg

Bei Monophona war et roueg ginn no de Concerten zu hirer leschter Plack "Girls on Bikes Boys Who Sing" viru gutt zwee Joer. De Marc Clement huet mat der Band geschwat.

Lagerkultur
Shared Distance

Op enger neier Quarantän-Compilatioun vu Lagerkultur kënnt déi lëtzebuergesch elektronesch Musek zum Zoch, besonnesch dee méi minimale Bord. Sechs Kënschtler bilden zesummen e koherenten a lëftege Mix.

TUYS
Koll an Aktioun

Tuys huet an der lescht Stécker als Episode verëffentlecht. Nei Formater fir en neien awer manner gewinnten "Tuys Sound". Si hunn um Koll an Aktioun on AIR um radio 100,7 gespillt.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen