Live aus der STUFF Courage duerch Musek

Fir deen éischte Concert am Kader vum Serge Tonnar senger Initiativ LIVE aus der STUFF huet de Jean Muller e Programm zesummegestallt, deen der Stëmmung géif entspriechen, an deen de Leit gläichzäiteg Hoffnung an Oflenkung kéint ginn. D'Konzept gëtt vum Kulturministère finanzéiert a gëtt an Zesummenaarbecht mam Kënschtlerkollektiv MASKéNADA realiséiert.

Luc Boentges

Jean Muller
Jean Muller

Lauschtert dee ganzen Interview mam Jean Muller


D'Aufgab vun all Kënschtler wier et, ëmmer iwwer dat ze reflektéieren, wat geschitt, seet de Jean Muller. A ganz besonnesch dramatesche Situatioune kéint een doriwwer eraus fir Oflenkung suergen an de Leit paramedezinesch hëllefen, grad wann et géif drëm goe mat senger Angscht ëmzegoen. Fir de Live-Stream aus senger Stuff (17.3.2020 um 20 Auer) huet de Pianist deemno e Programm zesummegestallt, deen a sengen eenzelen Deeler all kéiers eppes aneschters vermëttele soll.

Ee vun deene gréissten Optimisten

Haaptwierk um Programm ass dem Ludwig van Beethoven seng 31. Sonat. De Komponist wier fir de Jean Muller ee vun deene gréissten Humanisten an och Optimisten iwwerhaapt.

"Hien huet ëmmer erëm bewisen, och mat senger Musek, datt hien anere Leit wollt vermëttelen, datt et keen Dall gëtt, wat ze déif ass, fir datt een net kann draus erauskommen."

D'Sonat 31, Opus 110 géif dat wéi kaum een anert vu senge Wierker symboliséieren.

E Symbol vun der Hoffnung

Am leschte Saz géif ee fir d'éischt e Klage-Gesang héieren an duerno eng Fugue. Dës Kompositiounstechnik wier e Symbol vum rationalen Denken, e Mëttel fir seng Depressioun kënnen ze iwwerbrécken. No dëser Fugue géif dann awer en "ermattender Klagegesang" kommen, woumat dat Depressiivt nach emol verstäerkt géif ginn.

"An dann zum Schluss awer kënnt déi Fugue erëm an et gëtt en triumphale Finale. An ech hu mir geduecht: 'Dat ass dat, wat eis sollt Courage ginn, fir dës Zäit ze iwwerbrécken.'"

Méi zum Thema

The Wants
The Wants - Container

Den Trio vu Brooklyn trëfft mat senger dystopescher Fusioun aus Post Punk an Detroit Techno den Nerv vun der Zäit. Et hätt kee besseren Zäitpunkt fir d'Verëffentlechung vun hirem Debutalbum kënne ginn.

David Bowie
David Bowie - Young Americans

Soul a Funk amplaz Rock a Glam: op "Young Americans" weist den David Bowie am Mäerz 1975 e weidert musikalescht Gesiicht. Mat engem ex-Beatle als Iwwerraschungsgaascht a vill Illegalem als Stäip.

Marco Battistella
Auswierkunge vum Coronavirus

D'Ofso vun de ville Concerte bedeit eng schwéier Zäit fir all déi, déi vun dëser Branche ofhängeg sinn. Am Gespréich mam Luc Boentges gëtt de Produzent Marco Battistella en Abléck a seng Situatioun.

Komponist vum Mount - Claude Kraus
Deels Hobby deels Aarbecht

Nom Henry Vieuxtemps, deen am Februar säi Bicentenaire gefeiert hätt, ass de Komponist vum Mäerz een, deen nach wäit vun esou engem Jubiläum ewech ass: den 31 Joer ale Claude Kraus.

 

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen