Orchestre de Chambre du Luxembourg Corinna Niemeyer nei Directrice musicale

Den Orchestre de Chambre du Luxembourg huet d'Corinna Niemeyer als nei Directrice musicale engagéiert.

Guy Engels / cbi

Corinna Niemeyer
Foto: Archiv

D'Corinna Niemeyer huet e Kontrakt fir véier Joer ënnerschriwwen an ass déi éischt Chefdirigentin bei engem vun de groussen Orchesteren zu Lëtzebuerg.

Déi däitsch Musekerin war am Februar Gaaschtdirigentin fir e Concert vum OCL am CAPE zu Ettelbréck. Zanter enger Rei Jore schafft d'Corinna Niemeyer mam François-Xavier Roth, Chef vum Orchester Les siècles zesummen a preparéiert am Ablack e Beethoven-Projet.

Mam Orchestre de Chambre du Luxembourg wëll d'Corinna Niemeyer an deenen nächste Joren nei Concertsformater entwéckelen, d'Musek bei de Public bréngen an den Orchester nach méi visible maachen - zu Lëtzebuerg an an der Groussregioun. Den éischte Concert an hirer neier Funktioun beim OCL dirigéiert d'Corinna Niemeyer de 25. Abrëll 2021 an der Philharmonie.


Den Interview mat der Corinna Niemeyer lauschteren

Méi zum Thema

Pierre Nimax Senior
Klassesch Musek

Komponist, Pianist, Sänger an Dirigent: de Pierre Nimax ass Museker duerch an duerch. Bekannt ginn ass hie virun allem als laangjärege Chef vun der Militärmusek. Haut feiert hie säin 90. Gebuertsdag.

Net verpassen

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen