Vun der Long op d'Zong Catherine Lorent: Fëschen a schéissen
All Méindeg am August invitéiert den 100,7 Musekerinnen a Museker an d'Rotonden, déi op Lëtzebuergesch sangen. D'Emissioun "Vun der Long op d'Zong" gëtt owes vu 7 bis 8 live aus dem Kulturzenter zu Bouneweg iwwerdroen, an ass Deel vun der Programmatioun "Congés Annulés". D'Invitée vum drëtten August war d'Catherine Lorent.
D’Catherine Lorent, Joergank 1977, ass Molerin, Kënschtlerin a Musekerin. Dëst och dacks ënner dem Pseudonym Gran Horno. Am “groussen Uwen” kommen ëmmer vill verschidde Musekstiler wéi Black- an Death Metal an Jazz zesummen.
An der Emissioun “Vun der Long op d’Zong” huet si d’Lidd “An Amerika” vum Michel Lentz an enger “Doom” Versioun interpretéiert, an eng eege Kompositioun “Fëschen a Schéisse” gespillt. Donieft huet si Lidder vum neie Gran Horno Album “Hymni” op Lëtzebuergesch gesong, a mam Smartphone improviséiert.
Den Optrëtt op Lëtzebuergesch war fir d’Catherine Lorent eng Première. “Dat Englescht ass méi abstrakt. Dat ass méi, wéi een Instrument. Am Lëtzebuergeschen hues de méi ee klenge Vocabulaire, an du hues direkt eng Ausso. Dat Lëtzebuergescht huet och eng relativ monoton Klangfaarw.”
Méi zum Thema
Claudine Muno: Keng Lidder iwwer Villercher a Beem
Den Optrëtt an de Rotondë war eng vun deene seelene Gelleënheeten, fir der Sängerin hir akustesch Protest-Lidder ze héieren.
Corbi: D'Hänn an d'Luucht!
De Lëtzebuergesche Rap-Pionéier live an de Rotonden. Virum Optrëtt erkläert hien, wéi hien dozou koum, an der Mammesprooch ze rappen. A wat Zacki-Zacki-Produktioune sinn.
Serge Tonnar: Géint all kommerziell Logik
Och an der Mammesprooch kann ee Mëssverstane ginn. Virun allem vu Leit, déi mengen, si wäre besonnesch gutt Lëtzebuerger. De Serge Tonnar wënscht sech méi Konkurrenz, virun allem bei Liebeslidder.
